Homenaxe a Carlos Oroza polo seu centenario (1923 – 2023)

Venres 25 de agosto – 19:00H.

Aira (Expo) Curral

Carlos Oroza foi coñecido principalmente pola interpretación e reinterpretación da súa propia obra.

Esa obra é escasa, frecuentemente reescrita e baseada en poemas en verso libre cun gran predominio do ritmo. É poesía para escoitar xa que o poeta se declara partidario da oralidade considerando os libros «cemiterios de signos»

Antón Reixa (Vigo, 1957). Un dos autores populares da nosa postmodernidade. Cofundador do colectivo Rompente e do grupo Os Resentidos, a súa incursión en múltiples linguaxes creativas é asombrosa. Performer icónico, conseguiu que milleiros de galegos coñezan temas da súa discografía de memoria e os consideren parte indiscutible da súa educación sentimental.
Recoñecido director de cine e vídeo. No eido da poesía é autor de libros colectivos con Rompente e doutros propios como «Historia do Rock and Roll» (1985), «Viva Galicia beibe» (1994) e «Látego de algas» (2008). En 2021 concedéronlle a Medalla de Ouro das Belas Artes.